(有興趣朋友,,, 請睇埋之前o既blog, 你會再清楚d)
(呢類有鐵角o既簿, 好多時有咁o既情況)
撕走張coating時,,,,左手用棉布按實本相簿. 右手平"卒"張coating出o黎.
(千祈唔好扯起張coating, 唔係就有機會扯離張相)
剛貼完coating o既相....有機會出現咁o既情況. 其實唔係氣泡,只係貼唔實. 唔洗驚.
(你可以試下用指早刮下佢, 如果係刮唔走o既, 就係氣泡)
好似下面呢張咁....(呢本係i do, 光面相....咁o既情況會少d, 絨面相會多d咁o既情況, 不過唔洗咁驚)
可以即時刮一刮就攪掂. 如果係絨面相紙, 我地建議diy 朋友唔好理佢住, 放番好本相簿, 等第二日, 情況會有改善, 再放耐d會再"痴"實d, 最後至用小刮板再刮下張相, 咁就會靚靚.
(所以點解光面相容易做過絨面相. 絨面相始終有凹凸),,,,,不過相對地, 光面相易做, 但就會即時"痴"得好實. 你要撕番起張coating, 就要慢慢唔好心急, 小心撕. (睇番上面教你用棉布按實本相簿)
最初點解好怕做 i do 相簿就係咁, 一來佢係光面相, 一貼coating, coating就會"痴"得好實. 二來佢地只係用雙面膠紙"痴"4條邊. ,,,,,,,,(有時就會有咁o既情況出現.)
如果我地要重做張coating, 我地要撕起張coating時, 遇著本相簿貼得唔靚, 我又要同佢鬥力.......如果新天地或其他三大公司,,,,d相貼得好實係相簿, 我就唔洗怕,,,,但係i do相簿, 一定要用陰力......(貼一張coating可以5分鐘,,,,,,,,撕一張coating可能要你半個鐘)
唉~ 唔知你地明唔明我講乜呢??..
多謝你講得咁詳細呀，咁其實係咪自己diy要好小心呢？ 好似好難咁既!!
回覆刪除[版主回覆08/18/2009 20:16:00]其實到時我地會教到你識整為止. 唔係好難o既. 再唔係, 你坐係舖做都得o架.
其實我想問相簿同大油畫係咪一定要做coating架，如果唔做會點架??
回覆刪除[版主回覆10/29/2009 12:38:00]無縫相簿唔洗另外加錢做coating. (本身已經做o左加工)
傳統相簿如果唔加coating. 你可以加牛油紙, 但睇相會超麻煩. 如果乜都唔加, 張相會發霉 (我真係見過好似d麵包咁發霉)
又可能兩張相會"痴"埋. (因為受潮)
但如果要幾仟蚊加coating, 我就唔建議啦, 因為做過另外一本相簿都可能唔洗咁貴............之但係......通常結婚相簿,,,,係結婚初期會睇下......之後就會放係床下底.........跟住唔知幾多年至攞番出o黎睇, 咁一打就痴住晒...或者整爛o左d相.........到時你又唔會咁有閒情去做過另一本.........咁就變成好嘥.........係我個人o黎講, coating 係要做o既. 但一定要傾到價錢o岩. 當你10幾廿年後再睇番本相簿, 可能都會變黃少少, 但起碼唔會爛.......你話係咪好好呢??
大油畫都係啦....邊洗加coating o架......正式油畫係加工好晒至叫做油畫o架........正常係唔會叫客人加coating 囉. 要加coating o既就係叫做相紙啦. 唔係油畫布啦.唔好比人搵笨呀.
唔該哂你咁詳細既解釋呀，我之前係大陸影左相有相簿，咁應該係有coating啦，無縫相簿即係點呀，我都唔係好清楚，但我黎緊會有法國既大相同5R,8R，唔知個幾張相係咪冇coating呢?? 係咪即係d手指紋印唔到落去既就係有coating架喇?? 真係唔好意思呀，我咁多問題~
回覆刪除[版主回覆10/29/2009 17:26:00]唔洗客氣~ 我都係知幾多講幾多
大陸個D應該有啦, 除非學香港個D婚紗公司手法啦.
無縫相簿咪即係一打開本相簿, 左右兩邊張相係為之一張(有排版, 似d兒童圖書). 中間無條分開O既痕. 上面O既相簿, 咪左右兩張相分開O左, 中間有條痕囉. 呢D咪係傳統相簿囉. 我個人認為, 無縫睇落係靚D, 但開得多本相等睇, 中間始終會出現條摺痕, 久而久之會好肉酸o既. 始終傳統相簿應該係襟擺d.
其實要睇你用咩coating. 好似我地個d雷射呀. 星閃 同埋 心閃呢d閃令令o既coating. 都會有手指紋o架.
用磨沙o既coating, 例如: 珍珠, 霧面, 油畫 & 畫布等等. 就應該冇手指紋.
仲有, 有時絨面相. 比一般光面相紙冇咁易有手指紋, 所以你地可能都分唔到都未定.
(散相90%佢地唔會幫你整coating)